Gaptrast i gjønåtrekk - Harald Morten Bremseth

Alle store festivalar har sin «Artist in residence». Vi i Gapskratten Revyfestival vil ikkje vere dårlegare, nei heller litt betre. Difor har vi vår «Gaptrast i gjønåtrekk».

Årets "Gaptrast i gjønåtrekk" er Harald Morten Bremseth frå Stjørdal.

Harald Morten er revyartist som driv rørleggerfirma på fritida. Som medlem av Lånkerevyen har han vore fast deltakar på Gapskrattfestivalen heilt sidan starten i 1996.

Under årets festival har han altså fått rolla som "Gaptrast i gjønåtrekk" Det vil seie at han vil dukke opp på alle scener under festivalen. Både under kvalifiseringsførestillingane, i finaleførestillinga, i Gapskratt-teltet og under Gapskratt-turen.

Saman med Lånkerevyen har Harald Morten vunne mange prisar på revyscena, både på Gapskrattfestivalen, Humorfestivalen i Hemne og under NM i revy på Høylandet.

I april i år sette Lånkerevyen opp førestillinga "Best of Lånkerevyen" som fylte Lille sal i Olavshallen i Trondheim i fire førestillingar. Dei siste åra har han også turnert saman med Sigmund Kveli og Arnt Egil Rånes, med førestillingane: "Det du ikke visste om Trønderrocken", "Bygd for fart" og "Hipp-Hipp-Hipp"-

Gå ikkje glipp av å oppleve Harald Morten Bremseth på scena i Tresfjord.